ИҶЛОСИЯИ НАХУСТИНИ МАҶЛИСИ ВАКИЛОНИ ХАЛҚ
Душанбе, 11 март. (АМИТ «Ховар», Бекназари Абубакр). — 11 март дар мақомоти иҷроияи ҳокимияти давлатии вилоят Суғд таҳти раёсати Раиси вилояти Суғд, Раиси Маҷлиси вакилони халқи вилоят Қоҳир Расулзода Иҷлосияи якуми Маҷлиси вакилони халқи вилояти Суғд даъвати чорум баргузор гашт. Дар иҷлосия аз 67 нафар вакил 63 нафар иштирок дошта, 4 нафар бо сабабҳои узрнок иштирок карда натавонистанд. Ҳамчунин дар иҷлосия раисони шаҳру ноҳияҳо, роҳбарони сохторҳои мақомоти ҳифзи ҳуқуқ, сардорони раёсату роҳбарони ташкилотҳои вилоятӣ ширкат варзиданд. Рўзномаи иҷлосия иборат аз шаш масъала – «Дар бораи тасдиқи ваколати вакилони Маҷлиси вакилони халқи вилояти Суғд даъвати IV», «Дар бораи тасдиқ намудани Дастури Маҷлиси вакилони халқи вилояти Суғд», «Дар бораи тасдиқ намудани Низомномаи комиссияҳои доимии Маҷлиси вакилони халқи вилоят, пешбарии номзад ба аъзогии Маҷлиси миллии Маҷлиси Олии Ҷумҳурии Тоҷикистон», ва «Тасдиқи қарорҳои Раиси вилоят» иборат буд. Аз ҷониби вакилон тариқи овоздиҳӣ лоиҳаи қарор «Дар бораи тасдиқи ваколати вакилони Маҷлиси вакилони халқи вилояти Суғд (даъвати IV)» қабул карда шуда, лоиҳаҳои қарор «Дар бораи тасдиқ намудани Дастури Маҷлиси вакилони халқи вилояти Суғд» ва «Дар бораи тасдиқ намудани Низомномаи комиссияҳои доимии Маҷлиси вакилони халқи вилоят,» тавассути овоздиҳӣ қабул гашт. Аз ҷониби вакилон тариқи овоздиҳии пинҳони номзадии раиси вилояти Суғд ба аъзогии Маҷлиси миллии Маҷлиси Олии Ҷумҳурии Тоҷикистон тариқи овоздиҳии пинҳонӣ интихоб гардид.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






