ИНТИҚОЛИ ГАЗИ ТАБИЙ АФЗУД
Душанбе, 9 март. (АМИТ «Ховар», Кристина Эрлих). — Аз ҷамъияти саҳҳомии «Тоҷиктрансгаз» ба АМИТ «Ховар» хабар доданд, ки рӯзҳои охир интиқоли гази табиӣ аз ҷумҳурии Ӯзбекистони ҳамсоя ба Тоҷикистон афзуда, дар як соат ба 23 ҳазор метри мукааб расид. Қайд карда шуд, ки гази табиӣ асосан барои қонеъ гардонидани эҳтиёҷоти баъзе корхонаҳои саноатӣ, аз ҷумла, «Тоҷиксемент» ва Корхонаи воҳиди давлатии «Ширкати алюминии Тоҷикистон» сарф карда мешавад. Қабл аз ин аз Ӯзбекистон ба Тоҷикистон дар як соат ҳамагӣ 15 ҳазор метри мукааб гази табиӣ дода мешуд. Тоҷикистон қарзи гази истифодашударо ба Ӯзбекистон ба маблағи 1,7 миллион доллари ИМА пардохт. Баъди ин ҳаҷми интиқоли газ зиёд карда шуд. Аз аввали соли равон ба Тоҷикистон аз Ӯзбекистон 30,4 миллион метри мукааб гази табиӣ ворид гардидааст, ки нисбат ба хамин даврваи соли 2009 — ум 36,8 миллион метри мукааб кам аст. Дар худи ҷумҳурӣ дар як шабонарӯз тақрибан 47 ҳазор метри мукааб гази табиӣ истеҳсол карда мешавад, ки асосан ба шаҳри Қӯрғонтеппа дода мешавад. Мухбири АМИТ «Ховар ёдовар мешавад, ки тибқи паймони бадастомада Тоҷикистон 1000 метри мукааб гази табииро аз Ӯзбекистон ба маблағи 231 доллари ИМА мехарад.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
