МӮҲЛАТИ ТАЪТИЛИ БАҲОРӢ КӮТОҲ КАРДА ШУД
Душанбе, 16 март. (АМИТ «Ховар», Людмила Дубинина). – Мувофиқи фармони вазири маорифи ҷумҳурӣ аз 3 декабри соли 2009 дар бораи тағйир додани мӯҳлати таътилҳои талабагон, дар давоми солҳои таҳсили 2009 – 2010 таътили зимистона вобаста ба сардии ҳаво дар фасли зимистон ва бо мақсади таъмини саломатии талабагон аз 31 декабри соли 2009 то 24 январи соли 2010 дароз карда шуд. Вобаста ба ин мӯҳлати таътили баҳорӣ кам карда шуд ва аз 20 то 24 март давом мекунад. 25 март дар ҳамаи мактабҳо машғулиятҳо давом мекунанд. Мувофиқи фармони вазир, занги охирин 1 июн садо медиҳад, маҷлису ҷамъомадҳо бахшида ба хатми соли таҳсил ҳамагӣ 1 соат давом мекунанд. Баъди ин машғулиятҳо давом дода хоҳанд шуд. Имтиҳоноти талабагони синфҳои 4 – 8 аз 2 то 9 июн ва имтиҳоноти талабагони синфҳои 9 – ум аз 2 то 15 июн давом мекунанд. Талабагони синфҳои 11 аз 2 то 21 июн имтиҳоноти хатмкуниро месупоранд. Муовини сардори раёсати маорифи шаҳри Душанбе Ёдгор Шарифов зикр намуд, ки фармони вазири маориф ба ҳамаи мактабҳои таҳсилоти умумии ҷумҳурӣ новобаста ба шакли фаъолияташон фиристода шуд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
