МАШҚИ МУШТАРАКИ НИЗОМӢ ДАР ТОҶИКИСТОН
Душанбе, 1 март. (АМИТ «Ховар», Наталя Михайлова). — Қумондонон ва коршиносони ҳарбии Русия, Тоҷикистон, Қазоқистон ва Қирғизистон 26 феврал дар фарҷоми мулоқоташон дар шаҳри Хуҷанд роҷеъ ба гузаронидани машқи муштараки низомӣ протокол имзо намуданд. Ҳадафи машқи мазкур ҳамоҳанг сохтани тадбирҳои мубориза ба муқобили терроризм мебошад. Дар машқ асосан ҷузъу томҳои Қувваҳои дастаҷамъии вокуниши таъҷилии минтақаи Осиёи Марказӣ ширкат меварзанд. Иштирокчиёни мулоқот 25 феврал маҳалли гузаронидани машқи ҳарбӣ — пойгоҳи низомии таълимии Чоруқдарронро аз назар гузарониданд. Дар ин ҷо барои иштирокчиёни машқи ҳарбӣ шаҳраки хаймаҳо бунёд карда мешавад. Аз Тоҷикистон дар машқ як баталёни Вазорати мудофиа, аз Қирғизистон як рота, аз Қазоқистон як взвод ва аз Федератсияи Русия як ротаи тирандозони савора иштирок хоҳанд кард. Ротаи тирандозони савораи Русия бо техника, қувваи зинда ва лавозимоташ аз пойгоҳи низомии дар Душанбебуда масофаи 300 километрро тай намуда, ба маҳалли машқ меравад. Низомиёни Қирғизистон низ бо нақлиёти заминӣ ба вилояти Суғд меоянд. Хизматчиёни ҳарбии Қазоқистон ба воситаи ҳавопаймо ба маҳалли машқ расонида мешаванд. Мухбири АМИТ «Ховар» хабар медиҳад, ки зимни мулоқот масъалаҳои таъминоти ақибгоҳ, хизматрасонии тиббӣ ва амалиёти муштараки воҳидҳои низомии алоқа, техника ва таслиҳот мавриди баррасӣ қарор гирифтанд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
