МАШВАРАТИ ВАЗИРОНИ ФАРҲАНГИ ДАВЛАТҲОИ СҲШ ДАР ПЕКИН

Пекин,  19 март. (АМИТ «Ховар», Лутфия  Эшонқулова). —  Аз  25  то  30  марти  соли равон  дар  пойтахти Ҷумҳурии  Мардумии  Чин —  шаҳри  Пекин  машварати  7 – уми  вазирони  фарҳанги  давлатҳои  аъзои  Созмони  ҳамкории  Шанхай  баргузор  мегардад. Дар  он   вазири  фарҳанги  Тоҷикистон  Мирзошохрух  Асрорӣ  иштирок  хоҳад  кард. Зимни  машварат  масъалаҳои  мубодилаи  маълумот  дар  бораи  ҷараёни   иҷрои нуктаҳои  созишномаи  ҳукуматҳои  мамлакатҳои  аъзои  СҲШ  дар  бораи  ҳамкорӣ  дар  соҳаи  фарҳанг, вусъати  минбаъдаи   равобити  дуҷонибаю  бисёрҷонибаи  мамлакатҳои  аъзои  созмон  дар  соҳаи  фарҳанг,  пешниҳоди  вазорати  фарҳанги  Чин  дар  бораи гузаронидани  анҷумани  нахустини   ҳамкорӣ  дар  соҳаи  фарҳанг  нимаи  дуюми  соли  2010  дар  шаҳри Санёи ҷазираи  Хайнан  бо  иштироки  намояндагони  вазорату  идораҳои  давлатҳои  аъзои  СҲШ, инчунин   мӯҳлат  ва  ҷои  гузаронидани  машварати  навбатии  вазирони  фарҳанги  давлатҳои  СҲШ  муҳокима  карда  мешаванд.