НАРХИ НАВИ ИСТИФОДАИ ОБ ДАР ШАҲР ҶОРӢ ШУД
Душанбе, 9 март. (АМИТ «Ховар», Лаззат Диловарзод).- Бо қарори Вазорати рушди иқтисод ва савдои Ҷумҳурии Тоҷикистон нархи истифодаи об барои сокинони шаҳри Душанбе зиёд карда шуд. Бино ба гуфти сардори шӯъбаи фурӯши обу корези «Душанбеводоканал» Мирзомурод Убайдов, аз 1 – уми феврали соли 2010 сокинони шаҳри Душанбе барои истифодаи оби соф ва партовҳо — (канализатсия) дар ҳаҷми 2 сомонию 47 дирам (барои ҳар як аъзои оила то ошёнаи 12 — ум) пардохт хоҳанд кард. Онҳое, ки аз ошёнаи 13 боло истиқомат доранд 3 сомонию 08 дирам ва барои онҳое, ки дар хонаҳои умумӣ (обшежит) ҳастанд 2 сомонию 05 дирам муқаррар гардидааст. Тибқи қарори мазкур, онҳое, ки дар ҳавлиҳои шахсӣ умр ба сар мебаранд, ҳар моҳ 1 сомонию 42 дирам барои ҳар як аъзои оила ва барои обмонии замини наздиҳавлигӣ, шустани автомошина, барои нигоҳдории ҳайвонот ва истифодаи душу ҳаммом маблағи алоҳида пардохт хоҳанд кард. Боис ба ёдоварист, ки бори охир моҳи сентябри соли 2009 нархи об барои аҳолии шаҳр 2 сомонию 20 дирам (барои ҳар як нафар аъзои оилаи шаҳрӣ) муқаррар гардида буд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
