НОМАҲО АЗ БАРОДАРШАҲРҲО
Душанбе, 31 март.(АМИТ «Ховар», Марзия Саидова).- То ба имрӯз унвонии шаҳрдори Душанбе аз ҷониби раисони шаҳрҳои Москва, Санкт-Петербург /Федератсияи Русия/, Урумчӣ /ҶМЧ/, Анқара /Туркия/, Тошканд /Ӯзбекистон/, Бишкек /Қирғизистон/ номаҳо ҷиҳати иштироки варзишгарон дар ниммарафони байналмилалӣ, ки 17 апрел дар Рӯзи пойтахт гузаронида мешавад, расидааст. Ниммарафони байналмилалӣ соли равон бори нахуст ба ифтихори Рӯзи пойтахт — 17 апрел соати 10-00 тибқи қарори Раиси шаҳр дар масофаи 21 км гузаронида мешавад. Чорабинии мазкур бо иштироки марафонистони бародаршаҳрҳои Душанбе, ки то имрӯз теъдоди онҳо ба 14 адад мерасад, баргузор мегардад. Дар робита ҷиҳати дар сатҳи баланд доир намудани ин чорабинӣ Кумитаи тадорукот тадбирҳои марбутаро анҷом додаст. Бояд зикр кард, ки ҳамасола дар ҷумҳурӣ шанбеи сеюми моҳи апрел Рӯзи пойтахти Ҷумҳури Тоҷикистон – шаҳри Душанбе таҷлил карда мешавад. Таври анъанавӣ Рӯзи пойтахт барои кулли сокинон аз ҷониби шаҳрдорӣ рӯзи меҳнати созанда ва рушду ободонии Душанбешаҳр муқаррар гардидааст. Дар ин рӯз тамоми озмунҳои касбии дар тӯли сол эълондоштаи шаҳрдорӣ ҷамъбаст ва ба ғолибон мукофтотҳо тақдим мегардад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






