«РОҒУН» ИНШООТИ УМУМИХАЛҚИСТ

Душанбе, 16 март. (АМИТ «Ховар», Лаззат Диловарзод).-  Тибқи маълумоти дастгоҳи раиси вилояти Суғд, бо мақсади бунёди саривақтии иншооти аср — таъминкунандаи истиқлолияти энергетикии  кишвар – НОБ –и «Роғун» дар қаламрави вилоят 200 нуқтаи фурӯши саҳмияҳои нерӯгоҳи мазкур фаъолият мекунанд. Бо мақсади муташаккилона гузаронидани фурӯши саҳмияҳо дар назди мақомоти иҷроияи ҳокимияти давлатии вилоят ситоди вилоятии «Суғд барои НБО – и «Роғун» таъсис дода шудааст. Дар асоси маълумоти  ин ситод, дар шаҳру ноҳияҳои вилоят то 9 – уми март қариб 200 млн. сомонӣ саҳмияҳои НОБ – и «Роғун» харидорӣ гардиданд. Ба иттилои ҳамин манбаъ, хариди саҳмияҳо то пурра ба кор даромадани нерӯгоҳ давом хоҳад кард, зеро он иншооти умумихалқӣ эълон шудааст.