РУШДИ СОҲАИ КИШОВАРЗӢ ДАР ШӯРООБОД

Шӯрообод, 3 март. (АМИТ «Ховар», Сулаймон Холов).- Кишоварзони  ноҳияи  Шўрообод  дар  соли  2009   майдони  киштро  ба  17091  гектар  расонид, ки  нисбати   соли   гузашта   96  гектар  зиёд  мебошад,  гуфт   раиси  ноҳия    Иброҳим   Азизов   ӯ  афзуд, ки  дар   ин  давра   дар  майдони  14868  гектар  ғаладонагиҳо, 435 гектар  зироатҳои  техникӣ, 185 гектар  картошка, 36  гектар  сабзавот  ва  1433 гектар  зироатҳои   хӯроки  чорво   кишт  гузаронида  шуда,  ҳосили  дилхоҳ рӯёнида шуд. Ба гуфтаи  ин  манбаъ  дар  соли  сипаригардида   дар  ҳамаи  бахшҳои  хоҷагии  ноҳия   ба  миқдори 29439 тонна   ғаладонагиҳо,  4420 тонна  картошка, 945 тонна  сабзавот, 2493 тонна  палезиҳо, 8045 тонна  меваҷот, 791 тонна  ангур, 1447 тонна гӯшт, 4319 тонна шир, 94 тонна пашм, 42 тонна  асал   ва  1128   ҳазор  дона  тухм  истеҳсол  шуд, ки  нисбати  ҳамин  давраи  соли  гузашта  3696 тонна ғалла,  1302  тонна  картошка, 66 тонна  сабзавот, 881 тонна  меваҷот,  68  тонна ангур, 79 тонна гӯшт, 293 тонна шир,  5 тонна пашм,  7 тонна асал   ва  165  ҳазор  дона   тухм  зиёд  мебошад.  Мавриди  зикр  аст, ки   ҳаҷми    умумии   истеҳсоли  маҳсулотҳои   кишоварзӣ  дар  ин  давра   ба  78  миллиону  875  сомонӣ   расонида  шуд, ки    нисбат  ба  нақша  12,8 %  афзоиш  ёфтааст.