СОЗИШНОМАИ СУЛҲИ СААД ДАР СММ БА ҚАЙД ГИРИФТА ШУД
Маскав, 16 март. (АМИТ «Ховар», Ҳалима Хушқадамова). – Созмони Милали Муттаҳид Созишномаи Созмони аҳдномаи амнияти дастаҷамъиро дар бораи эҷоди сулҳ ба қайд гирифт. Мухбири АМИТ «Ховар» хабар медиҳад, ки созишномаи мазкурро сарони давлатҳои аъзои СААД моҳи октябри соли 2007 дар шаҳри Душанбе имзо карда буданд ва он моҳи январи соли 2009 эътибори қонунӣ пайдо намуд. Созишнома ташкили Қувваҳои доимоамалкунандаи ҳомии сулҳи СААД – ро пешбинӣ менамояд. Давлатҳои аъзои он барои ташкили қувваҳои ҳомии сулҳ ҷузъу томҳо ҷудо менамоянд. Ҷузъу томҳои мазкур аз рӯи барномаи ягона машқ карда, бо навъҳои навтарини техника ва лавозимоти ҳарбӣ таъмин гардида, дар машқҳои муштараки ҳарбӣ иштирок хоҳанд кард. Тибқи ҳуҷҷат, Қувваҳои ҳомии сулҳи СААД бо қарори Шӯрои амнияти СММ чӣ дар қаламрави мамлакатҳои аъзои созмон ва чӣ дар минтақаҳои дигари ҷаҳон дар амалиёти ҳифзи сулҳ иштирок карда метавонанд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
