ТАШРИФИ ПРЕЗИДЕНТИ ТУРКМАНИСТОН БА ТОҶИКИСТОН
Душанбе, 17 март. (АМИТ «Ховар», Фарангис Раҳимова). — Сардори раёсати иттилооти ВКХ Тоҷикистон Давлат Назриев зимни сӯҳбат бо журналистон хабар дод, ки Президенти Туркманистон Қурбонгулӣ Бердимуҳаммадов субҳи 18 март барои боздиди расмии давлатӣ ба пойтахти Тоҷикистон хоҳад омад. Баъди маросими истиқбол Президенти Ҷумҳурии Тоҷикистон Эмомалӣ Раҳмон ва Президенти Туркманистон Қурбонгулӣ Бердимуҳаммадов дар Қасри миллат якка ба якка сӯҳбат мекунанд. Сипас гуфтушуниди ҳайатҳои расмии ҳар ду кишвар баргузор мегардад. Дар фарҷоми гуфтушунид имзои изҳороти муштарак ва шаш ҳуҷҷати байниҳукуматию байниидоравӣ ба нақша гирифта шудааст. Президенти Туркманистон баъди чошти 18 март бо раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров мулоқот анҷом хоҳад дод. Тибқи нақша Қурбонгулӣ Бердимуҳаммадов пагоҳ ба Донишгоҳи давлатии тиббии ба номи Абӯалӣ ибни Сино рафта, бо омӯзгорону донишҷӯёни он мулоқот мекунад. Роҳбари давлати Туркманистон 19 март дар ноҳияи Данғара дар тантанаҳои таҷлили Иди байналмилалии Наврӯз иштирок намуда, бегоҳии ҳамон рӯз ба ватан бармегардад.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
