ҲАМКОРИИ ГЕОЛОГҲОИ ТОҶИКИСТОНУ ЭРОН ВА ЧИН
Душанбе, 13 апрел. (АМИТ «Ховар», Кристина Эрлих ). — Имрӯз дар раёсати умумии геологияи назди Ҳукумати ҷумҳурӣ бахшида ба натиҷаҳои фаъолияти он дар давоми се моҳи аввали соли равон нишасти матбуотӣ баргузор гардид. Дар он зикр шуд, ки равобити ҳамкории муассисаҳои геологии Тоҷикистон бо ташкилоту идораҳои дахлдори Эрон, Чин ва Финляндия сол то сол тақвият меёбад. Раёсати умумии геологияи Тоҷикистон бо Вазорати маъдани Ҷумҳурии Исломии Эрон қарордоди ҳамкорӣ имзо кардааст. Дар асоси он, ба мутахассисони тоҷик барномаҳои навтарини таҳқиқоти компютерии ҳавзаҳои маъдан омӯхта мешавад. Инчунин геологҳои Тоҷикистону Эрон мавзеъҳои сермаъдани мамлакатҳои ҳамдигарро якҷоя таҳқиқ менамоянд. Ба қарибӣ бо қарори Ҳукумати Ҷумҳурии Тоҷикистон созишномаи ҳамкории Раёсати умумии геологияи Ҷумҳурии Тоҷикистон ва раёсати геологияи Вазорати истифодаи замин ва сарватҳои табиии Ҷумҳурии мардумии Чин дар бораи гузаронидани таҳқиқоти геологӣ дар минтақаҳои наздисарҳадии ҳар ду кишвар тасдиқ карда шуд. Бо кӯмаки мутахассисони финӣ дар Раёсати умумии геологияи Тоҷикистон маркази маълумоти геологӣ ташкил карда мешавад.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
