АВҶИ БУНЁДКОРИҲО ДАР ҲИСОР
Ҳисор, 13 апрел. (АМИТ «Ховар», Ҳотам Рабиев).- То ҷашни Истиқлолияти давлатии Ҷумҳурии Тоҷикистон як қисмати бозори марказӣ дар гардишгоҳи ноҳияи Ҳисор сохта ба истифода дода хоҳад шуд, — иброз дошт зимни нишасти матбуотӣ раиси ноҳияи Ҳисор , узви Маҷлиси миллии Маҷлиси Олии Ҷумхурии Тоҷикистон Баҳриддин Солеҳов. Дар нишасти матбуотӣ муовинони раис, мудирони шӯъбаҳо, роҳбарони ташкилоту муассисаҳо ҳузур доштанд. Алҳол корҳои ободонию созандагӣ дар ноҳияи Ҳисор суръат ва вусъати тоза меёбад. Аз тарафи муассисаи истифодабарии роҳҳои автомобилгарди ноҳия барои васеъ намудани роҳи кӯчаи А. Юсуфӣ ба маблағи зиёда аз чорсад ҳазор сомонӣ корҳои таъмирӣ ба анҷом расонида шуд. Бо дастгирии соҳибкорон ва корхонаи «Роҳсоз» дар кӯчаи мазкур ба маблағи 25 ҳазор сомонӣ корҳои ободонию кабудизоркунӣ анҷом ёфт. Дар кӯчаи Исмоили Сомонӣ бошад, аз ҳисоби маблағҳои соҳибкорон ба масофаи 900 метри кватратӣ роҳҳои пиёдагард ба маблағи 60 ҳазор сомонӣ анҷом дода шуданд. Дар маҳаллаи ҳаштуми шаҳраки Ҳисор сохтмони 20 хонаи замонавии дуошёна, дар даромадгоҳи шаҳрак аз ҷониби ҷамъияти дорои масъулияти маҳдуди «Тараққиёти Ҳисор» сохтмони бозор ва Терминал оғоз гардид. Дар ҷараёни нишасти матбуотӣ хабарнигорон аз раиси ноҳияи Ҳисор Баҳриддин Солеҳов ва дигар масъулин ба саволҳои худ ҷавобҳои қаноатбахш дарёфт карданд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
