БОРҲОИ БАРОИ ШИРКАТИ АЛЮМИНИИ ТОҶИКИСТОН ПЕШБИНИШУДА САРИ ВАҚТ ФИРИСТОДА МЕШАВАНД
Душанбе, 23 апрел. (АМИТ «Ховар», Фарангис Раҳимова). — Мақомоти роҳи оҳани Ӯзбекистон муроҷиати кумитаи иттифоқи касабаи ширкати саҳҳомии «Алюминии Тоҷикистон» — ро ба Сафоратхонаи Ҷумҳурии Ӯзбекистон дар Тоҷикистон роҷеъ ба мусоидат ба сари вақт фиристодани молҳои барои ширкат пешбинишуда, аз ҷумла гили махсус муҳокима намуда, ваъда доданд, ки молҳои барои корхонаи мазкур пешбинишуда сари вақт ва бемамониат фиристода мешавад. Аз рӯи маълумоти ширкати саҳҳомии «Роҳҳои оҳани Ӯзбекистон» аз 23 март то 15 апрели соли равон ба истгоҳи роҳи оҳани «Регар» тавассути қаламрави Ӯзбекистон 1720 вагон гили махсус фиристода шуд. Дар ин давра ба воситаи шабакаи роҳҳои оҳани байнидавлатии «Қудуқ» — и Ҷумҳурии Ӯзбекистон ба самти Тоҷикистон 1370 вагон гили махсус фиристода шудааст. Айни ҳол дар қаламрави Ӯзбекистон 340 вагон гили барои ширкати саҳҳомии алюминии Тоҷикистон пешбинишуда дар ҳаракат мебошад. Аз сафоратхонаи Ӯзбекистон дар Тоҷикистон ба АМИТ «Ховар» хабар доданд, ки мақомоти ин мамлакат бо назардошти нақши бузурги ширкати саҳҳомии алюминии Тоҷикистон дар пешрафти иқтисодиёти мамлакат, афзун гардонидани иқтидори содиротии он ва таъмини фаъолияти муттасили корхона минбаъд молҳои барои он пешбинишударо дар навбати аввал хоҳад фиристод.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
