КОНФРОНСИ АДАБӢ ДАР ҚАРАТОҒ
Турсунзода, 13 апрел. (АМИТ «Ховар», Ҳотам Рабиев).- Дар мактаби таҳсилоти миёнаи умумии рақами 12-и деҳаи Қаратоғ бахшида ба 100-солагии шоири халкии Тоҷикистон, қаҳрамони Тоҷикистон устод Мирзо Турсунзода конфронси илмӣ-адабӣ баргузор гардид. Конфронсро бо сухани ифтитоҳи муаллимаи забон ва адабиёти мактаби мазкур Фарзона Нӯъмонова ҳусни оғоз бахшид. Сипас хонандагони мактаб Эраҷ Наимов, Меҳрона Абдуллоева, Аниса Аҳмадова, Нилуфар Сафарова, Насрулло Назаров, Фурқат Маъруфов, Бахтиёр Охунов ва дигарон дар бораи ҳаёт ва эҷодиёти гаронбаҳои устод Мирзо Турсунзода маълумот доданд. Махсусан қисмати қироати шеърҳо аз ашъори шоир хеле ҷолиб ва ва фаромӯшношуданӣ буд. Дар конфронс муаллимони забон ва адабиёти тоҷик аз дигар мактабҳои ноҳия ҳузур доштанд. Ёдовар мешавем ки тибқи фармони Президенти Ҷумҳурии Тоҷикистон Эмомалӣ Раҳмон ва қарори Юнеско соли оянда 100-солагии шоири бузурги тоҷик устод Мирзо Турсунзода ботантана ҷашн гирифта мешавад.
Имрӯз дар шаҳри Душанбе ҳаво то 37 дараҷа гарм мешавад
13 июл дар якчанд вазорату идора нишасти матбуотӣ баргузор мешавад
Камтар гап мезанем, бештар менависем: чӣ гуна завқи муштариён тағйир меёбад
Имрӯз дар ноҳияҳои кӯҳии Тоҷикистон ҳаво то 28 дараҷа гарм мешавад
«КИШВАРИ САБЗ». Соли 2026 дар Тоҷикистон беш аз 3,7 миллион ниҳоли дарахтони ҳамешасабз ва сояафкану ороишӣ шинонида шуд
Имрӯз дар шаҳри Душанбе ҳаво то 38 дараҷа гарм мешавад
Дар «Офтобак»-и шаҳри Норак 100 кӯдак ба истироҳат фаро гирифта шуданд
Имрӯз дар водиҳои Тоҷикистон ҳаво то 41 дараҷа гарм мешавад
