МИНТАҚАҲОИ НАЗДИ САРҲАД АЗ МИНА ТОЗА КАРДА МЕШАВАНД
Душанбе, 30 апрел. (АМИТ «Ховар», Фарангис Раҳимова). — 29 апрел дар ноҳияи Панҷ иҷрои барномаи аз мина тоза кардани минтақаҳои назди сарҳади Тоҷикистону Афғонистон шурӯъ шуд. Барнома бо кӯмаки Созмони амнияту ҳамкории Аврупо, Раёсати ҳамкорӣ дар соҳаи мудофиаи ИМА ва Ҳукумати Тоҷикистон амалӣ карда мешавад. Мухбири АМИТ «Ховар» хабар медиҳад, ки мутахассисон соли 2009 харитаи минтақаҳои миназорро тартиб дода буданд. Акнун минтақаҳои назди сарҳад мувофиқи нақшаи муайян аз мина тоза карда мешаванд. Роҳбари намояндагии САҲА дар Тоҷикистон Ивар Вики зикр намуд, ки ҳамкорӣ дар масъалаи тоза кардани миназорҳо дар Осиёи Марказӣ аҳамияти калон дорад. Тоҷикистон дар ин масъала бо созмонҳои минтақавию байналхалқӣ самарабахш ҳамкорӣ мекунад. Таъкид шуд, ки мамлакатҳои дигари минтақа низ бояд дар ин масъала ба Тоҷикистон пайравӣ кунанд. САҲА аз соли 2004 то имрӯз бо Тоҷикистон дар масъалаи барҳам додани миназорҳо ҳамкорӣ мекунад. То имрӯз барои барҳам додани миназорҳо дар қаламрави Тоҷикистон қариб 5,4 миллион евро сарф карда шудааст.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
Дар Русия аз дақиқаҳои аввал дар алоқа бимонед!
