МУЛОҚОТИ Ҳ. ЗАРИФӢ БО НУР БАКРӢ
Душанбе, 30 апрел. (АМИТ «Ховар», Фарангис Раҳимова). — Вазири корҳои хориҷии Ҷумҳурии Тоҷикистон Ҳамрохон Зарифӣ 29 апрел зимни бозгашт аз пойтахти Ҷумҳурии Мардумии Чин — шаҳри Пекин дар шаҳри Урумчи бо раиси ноҳияи Мухтори Шинҷону Уйғури ин мамлакат Нур Бакрӣ мулоқот кард. Зимни мулоқот вазъи имрӯзаи ҳамкории Тоҷикистон бо Чин ва аз ҷумла бо ноҳияи Шинҷону Уйғур муҳокима карда шуд. Мусоҳибон ба масъалаи афзун гардонидани ҳаҷми хариду фурӯши мол дар байни Тоҷикистон ва ноҳияи мазкур диққати махсус доданд. Қайд карда шуд, ки ноҳияи Мухтори Шинҷону Уйғур дар равнақу ривоҷи муносибатҳои Тоҷикистону Чин нақши муҳим мебозад. Қобили қайд аст, ки гузаргоҳи сарҳадии Қулма минбаъд тамоми сол кушода аст ва тавассути он молҳои сохти Чин ба Тоҷикистон ворид карда мешаванд. Мухбири АМИТ «Ховар» хабар медиҳад, ки вазири корҳои хориҷии ҷумҳурӣ Ҳамрохон Зарифӣ бегоҳии 29 апрел баъди анҷоми сафараш дар Чин ба ватан баргашт.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
