НИГАРОНИИ Э. РАҲМОН АЗ МУРАККАБ БУДАНИ НИЗОМИ АНДОЗБАНДӢ
Душанбе, 24 апрел. (АМИТ «Ховар», Бекназари Абӯбакр). – Президенти Ҷумҳурии Тоҷикистон Эмомалӣ Раҳмон 24 апрел, зиьни ироаи Паёми солонаи худ ба Маҷлиси Олии Ҷумҳурии Тоҷикистон Вазорати молия ва Бонки миллии Тоҷикистонро вазифадор намуд, ки дар доираи Стратегияи рушди бозори қоғазҳои қимматнок дар Ҷумҳурии Тоҷикистон барои солҳои 2008-2012 рушди бозори қоғазҳои қимматнок ва ташкили бозори такрории онҳоро то охири соли ҷорӣ таъмин намоянд. Пеш аз ҳама, доир ба баланд бардоштани маърифати сармоягузории аҳолӣ, интишор ва ба фурӯш баровардани саҳмияҳои корхонаҳои калон, ки яке аз омилҳои муҳими ҷалби сармоя мебошад, тадбирҳои судманд андешида шавад. «Масъалаҳои содда намудани низоми андозбандӣ ва оммафаҳм гардонидани санадҳои меъёрии ҳуқуқии марбут ба андозситонӣ метавонанд ба рушди минбаъдаи иқтисоди миллӣ ва таҳкими имкониятҳои буҷети давлатӣ мусоидат намоянд. Низоми андозбандӣ дар кишварамон ҳоло ҳам, то андозае мураккаб буда, тақозо дорад, ки мухолифатҳои дар он мавҷуда бартараф карда шаванд ва устувориву тағйирнопазирии андозҳо таъмин карда шавад. Андозсупоранда бояд возеҳ дарк карда тавонад, ки барои чӣ ва чӣ қадар андоз месупорад», — тазаккур дод Эмомалӣ Раҳмон.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
