С. ХОҶАЗОД БОЗ ИҚДОМ КАРД

Душанбе, 6 апрел. (АМИТ «Ховар», Бекназари Абӯбакр). — Ду маҷмӯаи журналисти шинохта Саидмуроди Хоҷазод таҳти номҳои «Садои меҳр» ва «Махсусияти радиои Тоҷикистон» аз чоп баромад.               Маҷмӯаи «Садои меҳр» силсилаи мақолаҳои илмии муаллифро оид ба масоли радио ва телевизион ва нақши ин расонаҳо дар низоми ВАО-и муосир дар бар мегирад, ки дар солҳои гуногун интишор гардидаанд.  «Махсусияти жанрҳои радиои Тоҷикистон» нахустин рисолаи илмӣ оид ба таҳаввулот, ҷойгоҳ ва махсусияти жанрҳо дар ин расонаи муқтадири тарғиботӣ буда, дар арафаи 80-солагии таъсисёбии Радиои Тоҷикистон таълиф шудааст. Дар он кӯшише барои ифшои махсусият ва мушаххасоти жанрҳои Радиои Тоҷикистон шудааст, ки натиҷаи ҷустуҷӯву мушоҳидаҳои чандинсолаи муаллиф аст.   Маҷмӯаи мазкур бо қарори Шӯрои илмӣ-методии Донишгоҳи санъати Тоҷикистон ба сифати китоби дарсӣ барои донишҷӯёни тамоми ихтисосҳои журналистика тавсия шудааст.