СОХТМОНИ ТУННЕЛИ ШАҲРИСТОН КАШОЛ МЕЁБАД
Душанбе, 6 апрел. (АМИТ «Ховар», Кристина Эрлих ). — Дар шароити имрӯза дар сохтмони туннели «Шаҳристон» баъзе душвориҳо ба миён омадаанд. Ин душвориҳо асосан ба хеле зуд тағйир ёфтани вазъи ҳаво, омадани сел, фуромадани ярч ва сангрезӣ вобаста мебошанд. Дар натиҷа баъзеҳо пешгӯӣ мекунанд, ки туннели мазкур на моҳи декабри соли 2010, балки дар давоми соли 2011 ба истифода дода шавад. Ба қавли кормандони масъули Маркази иҷрои нақшаи тармиму таҷдиди роҳи мошингарди «Душанбе – Хуҷанд» — и Вазорати нақлиёт ва алоқаи ҷумҳурӣ, мутахассисони тоҷик ҳамроҳи мутахассисони чинӣ рӯзҳои наздик шароити сохтмони туннелро омӯхта, дар ин бобат қарори дахлдор қабул хоҳанд кард. Мухбири АМИТ «Ховар» хабар медиҳад, ки то имрӯз дар ин ҷо ба дарозии 3 километру 690 метр туннели нақлиётӣ ва ба дарозии 3 километру 980 метр туннели ҳавокашӣ канда шудааст. Дарозии умумии туннел 5 километру 253 метр мебошад. Сохтмони туннел айни ҳол шабу рӯз давом дорад. Коргарон дар баробари кандани туннел девораҳои онро бетонпӯш карда, асбобу анҷоми заруриро насб менамоянд. Хароҷоти умумии сохтмони туннел 296 миллион доллари ИМА мебошад. Онро ширкати сохтмони роҳу кӯпрукҳои «Чайна Роуд» — и Ҷумҳурии Мардумии Чин месозад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






