СУРХОБ БА ҶАРАЁНИ ХУД ҶОРИСТ
Душанбе, 5 апрел. (АМИТ «Ховар», Лаззат Диловарзод).- Бино ба иттилои сардори дафтари матбуотии Кумитаи ҳолатҳои фавулодда ва мудофиаи гражданӣ полковник Мунира Назариева, дарёи Сурхоб ба маҷрои худ равон аст. Боис ба ёдоварист, ки 27 – уми март дар натиҷаи чӯкидани тепа ва лағжиши калони ярч роҳи дарёи Сурхоб дар наздикии деҳаи Гулмонии ноҳияи Нуробод баста шуда, кӯли калоне ташкил ёфт. Бо мақсади бехатарӣ, аҳолии деҳоти Гулмонӣ, Аэропорт, Чорсада, Сичироғ ва дигар деҳаҳои ба кӯли сунъӣ наздик аз ҷойи зисташон кӯчонида шуданд. Ярч муддати дурудароз сади роҳи дарё гардида натавонист ва фишори об ин монеаро шуста бурд. Сокинони деҳаҳо ба ҷойи зисташон баргардонида шуданд. Бино ба гуфти ҳамин манбаъ, алҳол постгоҳҳои назоратӣ дар макони ярч, ки эҳтимоли аз нав такрор шуданаш аз назар дур нест, қарор доранд. Сокинон ба кори ҳаррӯзаи худ машғуланд ва хавфи кӯл барои фаъолияти мардум дар корҳои хоҷагӣ худ аз худ бартараф гардидааст.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
