ЯК МИЛЛИОН ОДАМ АЗ КАМБИЗОАТӣ БАРОВАРДА ШУД
Душанбе, 24 апрел. (АМИТ «Ховар», Бекназари Абӯбакр). — Мувофиқи натиҷаи тадқиқоти муштараки Ҳукумат ва ташкилотҳои мустақил доир ба сатҳи зиндагии аҳолии Тоҷикистон, соли 2007 гузаронида шуда буд, сатҳи камбизоатӣ аз 73 фоизи соли 2003 то 53 фоиз дар соли 2007 коҳиш ёфта, ин раванд, солҳои 2008 — 2009 низ идома ёфт ва 50 фоиз камтар гардид. Дар натиҷа беш аз 1 миллион нафар аз сатҳи камбизоатӣ бароварда шуд. Ин нуқтаро Президенти Ҷумҳурии Тоҷикистон Эмомалӣ Раҳмон зимни ироаи Паёми солонаи худ ба Маҷлиси Олии Ҷумҳурии Тоҷикистон 24 апрел зикр намуд. Президент гуфт, ки дар доираи Стратегия барои солҳои 2010-2012 татбиқи чорабиниҳои зарурӣ ҷиҳати таъмини рушди устувори иҷтимоиву иқтисодии кишвар пешбинӣ шудааст. Ин имкон медиҳад, ки сатҳи камбизоатӣ то охири соли 2012 то 40 фоиз паст карда мешавад. Мавриди зикр аст, ки мувофиқи Дурнамои миёнамӯҳлати рушди иқтисодиву иҷтимоии кишвар барои се соли оянда афзоиши солонаи нишондиҳандаҳои иқтисоди воқеӣ ба андозаи на кам аз 5-6 фоиз ва сатҳи таваррум на зиёда аз 8-10 фоиз пешбинӣ гардидааст. Инкишоф додани соҳаи энергетика, саноат ва кишоварзӣ, бахусус саноати сабук ва хӯрокворӣ, инчунин рушди хизматрасонӣ ҳамчун роҳи расидан ба ин ҳадаф дар назар дошта шудааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






