ҲАВОПАЙМОИ НАХУСТИН АЗ ДУШАНБЕ БА БОРИСПОЛ ПАРВОЗ МЕКУНАД

Душанбе,  27 май. (АМИТ «Ховар», Кристина  Эрлих). —  Имрӯз, 27  май  соати  20 – у  50  дақиқа ҳавопаймои  нахустини  мусофирбари  ширкати   ҳавонавардии «Тоҷик Эйр» аз  Душанбе ба  шаҳри  Борисполи   Украина  парвоз  мекунад. Ҳамин тариқ  ширкати  ҳавонавардии  «Тоҷик Эйр»  бори  аввал  дар таърихи  истиқлолияти  мамлакат дар байни  шаҳрҳои  Душанбе  ва  Киев  роҳи  ҳавоӣ  мекушояд. Мухбири  АМИТ «Ховар»  хабар  медиҳад,  ки дар  байни  Душанбе  ва  Киев  ҳавопаймои  мусофирбари  «Боинг – 737» парвоз  мекунад. Ҳавопаймо  ҳар  ҳафта  рӯзи  панҷшанбе  аз  шаҳри  Душанбе ба  Киев  парвоз  карда,   рӯзи  ҷумъа  ба  пойтахти  Тоҷикистон  бармегардад.  Нархи  чиптаи он   350  евро  мебошад. Ба  наздикӣ  ширкати ҳавонавардии «Тоҷик Эйр»  бо  ширкати  калонтарини  ҳавонавардии   Украина  «КИЙ АВИА»  созишномаи  ҳамкорӣ  имзо  карда буд. Мувофиқи  созишнома  ҳар ду  ширкат  дар  соҳаҳои   фурӯши  чиптаҳо,  ҳамлу  нақли   молу  мусофирон  ва  туризм  ҳамкорӣ хоҳанд  кард.