3 МЛРД. СОМОНӢ ДАР 12 ЛОИҲАИ СОҲАИ ЭНЕРГЕТИКА
Душанбе, 11май. (АМИТ «Ховар», Лаззат Диловарзод).- Дар давоми як соли амали Фармони Президенти мамлакат дар бораи гузариш ба лампаҳо ва таҷҳизоти каммасрафи барқӣ дар саросари кишвар 2 млрд. кВт соат нерӯи барқ сарфа гардид. Ин аст, ки барои таъмини амнияти энергетикӣ ва паст кардани сатҳи вобастагии кишвар аз воридоти сӯзишворӣ сарфаю сариштакорӣ муҳимтарин омили таъмини аҳолӣ бо барқу сӯзишворӣ маҳсуб мешавад. Дар давоми як соли гузашта дар натиҷаи сарфакорӣ 2 млрд. кВт соат нерӯи барқ ба даст оварда шуда, ҳамин қадар нерӯи барқ аз хориҷи кишвар камтар ворид карда шуд. Дар сурати дар ҳаҷми 3 – 4 фоизи солона кам кардани хароҷоти барқ ҳангоми коркарди маҳсулоти дохилӣ 200 – 270 ҳазор тонна сӯзишворӣ сарфа мегардад. Айни замон дар доираи барномаҳои давлатии сармоягузорӣ дар соҳаи энергетика татбиқи 12 лоиҳа ба маблағи 3 млрд. сомонӣ қарор дорад. Ҳукумати ҷумҳурӣ Вазорати энергетика ва ширкати «Барқи тоҷик»-ро вазифадор намудааст, ки дар давоми солҳои 2009 – 2020 беш аз 60 нерӯгоҳи хурди барқиро дар ноҳияҳои кӯҳистон сохта ба истифода диҳанд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
