АЗ БУНБАСТИ КОМУНИКАТИСОНӢ РАҲО ГАШТЕМ
ВМКБ, 21 май. (АМИТ «Ховар» Лутфишо Додо).- Дар Паёми навбатии сарвари давлат Эмомалӣ Раҳмон ба Маҷлисӣ Олии Ҷумҳурии Тоҷикистон омадааст, ки яке аз ҳадафҳои асосии стратегияи давлати тоҷикон раҳои аз бунбасти коммуникатсионӣ мебошад. Тавре сардори хоҷагии автомобилии ВМКБ, вакили Маҷлиси миллии Маҷлиси Олии Ҷумҳурӣ Шамсмуҳаммад Назриев гуфт, баъди соҳибистиқлол гаштани Тоҷикистон дар ин самт тағироти куллие рӯи кор омад. Роҳҳои Кӯлоб-Дарвоз, Хоруғ-Мурғоб-Кулма бунёд ёфтанд, се адад пул аз болои рӯдхонаи Панҷ сохта шуда, Бадахшони Тоҷикистону Бадахшони Ҷумҳурии Исломии Афғонистон бо ҳам пайваст гардиданд. Имрӯзҳо назди ин пулҳо бозорҳои марзӣ фаъолият менамоянд. Маскунони вулусволиҳои Дарвоз, Шуғнон, Ишкошими Ҷумҳурии Исломии Афғонистон имконият пайдо намуданд, ки молҳои ниёзи аввалро аз Тоҷикистон харидорӣ намоянду дар навбати худ барои мардуми мо маводи дигари заруриро фӯрушанд. Имрӯз дар мавзеи Хумроғи ноҳияи Ванҷ бунёди пули ҷаҳорум аз болои рӯдхонаи Панҷ идома дорад. Ҳоло такягоҳи соҳили рости пул бардошта шуда, дар соҳили чап корҳои бетонрезӣ идома доранд. Ин иншоот яке аз калонтарин пули мошингард дар ВМКБ маҳсуб меёбад, ки 220 метр дарозӣ дорад. Идораи хоҷагии роҳҳои автомобилии ВМКБ 2691км роҳҳои вилоятро нагаҳдорӣ менамоянд, ки 1292 километри онро роҳҳои мошингард дар кулли мавзеҳои вилоят дар ҳолат хуб қарор доранд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
