БАРРАСИИ МАСЪАЛАҲОИ РУШДИ ИҚТИСОДИЁТИ ҶАҲОН

Май 31, 2010 16:46

Душанбе,  31 май. (АМИТ «Ховар», Людмила  Дубинина). —  1 – 2  июли  соли  2010  дар  пойтахти  Ҷумҳурии  Қазоқистон  — шаҳри  Остона  анҷумани  сеюми   ҳарсолаи  иқтисодӣ  баргузор  мегардад.  Дар он   мавзӯи «Оқибатҳои бӯҳрони   шадиди  молиявӣ  ва  роҳу  усулҳои  рушди  иқтисодиёт дар  шароити   ҷаҳонишавӣ»  муҳокима  карда  мешавад.  Яке  аз ҳадафҳои  анҷумани  мазкур   ташкили  конгреси  тиҷоратии  мамлакатҳои  Евразия   мебошад, ки  мақсади он  вусъат  бахшидани  равобити  мутақобилан  муфиди  тиҷоратию  иқтисодӣ  ва  ҳамкории  мамлакатҳои  минтақа  дар  соҳаҳои  гуногуни  иқтисодиёт  мебошад. Иштирокчиёни анҷуман инчунин  роҳу  усулҳои   рушди  устувори   иқтисодиёти  ҷаҳонро дар  давраи   баъди  бӯҳрон  баррасӣ  хоҳанд  кард. Имсол  дар  анҷуман   зиёда  аз  2  ҳазор  намояндаи   доираҳои  сиёсию  тиҷоратии  бештар  аз  50  мамлакати  ҷаҳон,  аз ҷумла,  коршиносону  олимон   ва  намояндагони  воситаҳои  ахбори оммавӣ  иштирок  хоҳанд  кард. Дар  анҷуман  Президенти  Ҷумҳурии Қазоқистон  Нурсултон  Назарбоев, Муншии  умумии  САҲА Марк Перрен де  Бришамбо,  барандаи  ҷоизаи   нобелӣ  дар  соҳаи  иқтисодиёт  дар  соли  2004  Фин  Кидланд,  баранҷаи  ҷоизаи нобелӣ  дар  соҳаи  иқтисодиёт  дар  соли  1999  Роберт  Мандела,  ноиби  аввали  раиси академияи  байналмилалии   тахсисот,  директори пажӯҳишгоҳи  тадқиқоти  стратегии   проблемаҳои  ҳамгироии  ҷомеаи  иқтисодии  Евразия,  академики  Академияи  илмҳои  Русия  Анатолий  Спитсин  ширкат  меварзанд. Дар  доираи  анҷуман   мулоқоти   соҳибкорону  тоҷирон  гузаронида  мешавад, ки  дар  он   бештар  аз  300  намояндаи  мамлакатҳои гуногун  иштирок  хоҳанд  кард.

Май 31, 2010 16:46

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд