БОЗДОШТИ НАШЪАҶАЛЛОБОН ДАР ПАНҶИ ПОЁН
Душанбе, 11 май. (АМИТ «Ховар», Жасмин Назарова). – Аз тарафи гумрукчиёни Панҷи Поёни Раёсати минтақавии гумрукӣ дар вилояти Хатлон ду ҳодисаи интиқоли ғайриқонунии маводи мухаддир ошкор карда шуд. Тавре аз дафтари матбуоти Хадамоти гумруки назди Ҳукумати ҶТ иттилоъ доданд, кормандони гумрук ҳангоми барасмиятгирӣ ва назорати гумрукии шаҳрвандон дар гумруки Панҷи Поён, ду шаҳрванди давлати Исломии Покистон Нисар Гул Шештӣ ва Уланҳаёт Гулгулобро бо гумони интиқоли ғайриқонунии маводи нашъаовар боздошт намуданд. Ҳангоми кофтукови шахсӣ аз таги пойафзол ва дохили костюми Нисар Гул Шештӣ 4 бастаи селофанӣ ва аз китфону бари камзӯли чармин ва пойафзоли Уланҳаёт Гулгулоб 11 бастаи селофании ба таври махсус пинҳон карда шуда буд, дарёфт ва мусодира карданд. Дар ҷараёни пурсиш номбурдагон иқрор шудаанд, ки онҳо маводи мазкурро ба Ҷумҳурии Тоҷикистон интиқол дода ва бар ивази ин ба онҳо маблағи пулӣ ваъда карда буданд. Ташхиси лабораторӣ муайян намуд, ки маводҳои дарёфтшуда маводи навъи сахттаъсири героин буда, вазнаш 2 кг 235 граммро ташкил медод. Нисбати ин ҳодиса парвандаи ҷиноӣ оғоз шуда, тафтишот идома дорад.
Имрӯз дар Тоҷикистон сар задани селҳои пиряхӣ аз эҳтимол дур нест
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
Ташкилоти молиявию қарзии Хатлон ба иқтисодиёт беш аз 2 миллиард сомонӣ қарзҳои бонкӣ ҷудо намудаанд
Ба Тоҷикистон ба маблағи зиёда аз 443 миллион доллар маҳсулоти нафтӣ ворид карда шудааст
