ДАР ТОҶИКИСТОН ТРАКТОРҲОИ АВРУПОӢ МЕОРАНД
Душанбе, 14 май. (АМИТ «Ховар», Дилшодаи Ҷонмард).- Дирӯз дар вазорати кишоварзии Тоҷикистон вохӯрии вазири кишоварзӣ Қосим Қосимов бо намояндагони ширкати «Fiat-Group» дар ҷумҳурии Туркия баргузор гардид. Бизнес мененжери «Fiat-Group» Огуз Куран оид ба фаъолияти ин ширкат, ки асосан ба истеҳсоли техникаи кишоварзӣ махсусан трактор, комбайн ва дигар мошинолотҳои кишоварзӣ машғул аст, маълумот дод. Ширкати мазкур дорои 40 заводи истеҳсоли техникаи кишоварзӣ буда, дар 160 давлати ҷаҳон фаъолият менамояд. Дар Федератсияи Руссия низ ширкати мазкур дар ҳамкорӣ бо заводи КАМАЗ истеҳсол карда мешавад. Ширкат омода аст, ки дар дигар давлатҳои ҷаҳон маҳсулотҳояшро ба фурӯш барорад. Дар раванди вохӯрӣ вазири кишоварзӣ иброз дошт, ки бинобар сабаби нархи гарон доштани трактор, комбайн ва дигар мошинолотҳо, хоҷагиҳои деҳқонӣ имкони харидорӣ надоранд, бинобарин таъсис додани Марказҳои хаизматрасонии техникаи кишоварзӣ дар ноҳияҳои ҷумҳурӣ ба маврид мебошад, то ки деҳқон аз сифати хуб ва кафолати камхарҷии ин тракторҳо бохабар шавад. Намояндагони ширкат таклифи вазирро хуб пазируфта, пешниҳод намуданд, ки ба наздикӣ намояндагии ширкат намоишгоҳи техника ва технологияи ширкати мазкурро дар Ҷумҳурии Тоҷикистон ташкил менамоянд.
Дар шаҳри Истаравшан ҳунари шонасозӣ ривоҷи тоза меёбад
Имрӯз дар Тоҷикистон ҳаво то 40 дараҷа гарм мешавад
Имрӯз дар Тоҷикистон сар задани селҳои пиряхӣ аз эҳтимол дур нест
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
