КОРҶӮЁН БО КОР ТАЪМИН МЕШАВАНД

Шаҳраки Сомониён, 27 май. (АМИТ «Ховар». Ҳотам Рабиев)- Имрўз бо ташаббуси раёсати Агентии давлатии ҳифзи иҷтимоӣ – шуғли аҳолӣ ва муҳоҷират дар ноҳияи Рўдакӣ  ярмаркаи ҷойҳои кории холӣ баргузор гардид. Дар ярмарка намояндагони шўъбаи маориф, соҳаи тандурустӣ ва дигар бахшу сохторҳо ҳузур доштанд. Тавре сардори раёсати Агентии давлатии ҳифзи иҷтимоӣ – шуғли аҳолӣ ва муҳоҷират дар ноҳияи Рўдакӣ Холназар Баротов ба хабарнигори АМИТ «Ховар» иттилоъ дод, алҳол дар ноҳия 637 то ҷойҳои кории холӣ мавҷуд аст. Асосан соҳаҳои саноат, кишоварзӣ, тандурустӣ ва маориф ба мутахассисон эҳтиёҷ доранд. Аз авали сол ( як ҳазору 347 нафар шаҳрвандон дар қайди раёсати Агентӣ ҳамчун шахси корҷў буда, 201 нафари онҳо бо кор  таъмин гашта 132 нафар ба курсҳои касбомўзӣ фиристонда шуданд. Баргузории ярмаркаи ҷойҳои кории холӣ дар ноҳияи Рўдакӣ имкон дод, ки чандин нафар корҷўён бо ҷои кор таъмин шаванд.