ЛАГЕР БАРОИ БАЧАГОНИ АЗ ОФАТИ ТАБИӢ ЗАРАРДИДА

Кӯлоб, 31 май. (АМИТ «Ховар», Сулаймон   Холов). — Дар доираи татбиқи амалии қарори Ҳукумати Ҷумҳурии Тоҷикистон оид ба таъмини истироҳати мактабиёни оилаҳои аз офати табиӣ зарардидаи шаҳри Кӯлоб бо дастуру супориши Сарвари Давлат ин мавсим аз шумораи умумии 1 ҳазору 340 нафар наврасони оилаҳои мазкур 200 нафар дар истироҳатгоҳҳои ҷумҳуриявӣ, 400 нафар дар лагери берун аз шаҳрӣ ва боқӣ дар 14 лагери назди мактабӣ дар 3 баст ба истироҳату фароғат фаро гирифта мешавад. Бо мақсади дар ин давра низ ба донишандӯзӣ ҷалб намудани насли наврас имрӯз дар арафаи рӯзи байналмилалии муҳофизати кӯдакон, бо иқдоми сардабири ҳафтаномаи СССР — рӯзноманигор Сайёфи Мизроб аз ҷониби аҳли эҷоди ҳафтанома ба хонандагони мактаби миёнаи рақами 53 — и шаҳри Кӯлоб, ки дар назди ин муассиса наврасони оилаҳои аз офати таббиӣ зарардида маҳаллаи Чармгарони шаҳр ба маблағи 10 ҳазор сомонӣ 400 номгӯи адабиёти бачагона кӯмак карда шуд. Аҳли эҷоди ҳафтанома бо ҷонибдорӣ аз дастуру супориши сарвари давлат маротибаи 3-юм ҳаст, ки нисбат ба ин оилаҳои ниёзманд дасти кӯмак дароз менамоянд. Кӯмаки навбатӣ иборат аз номгӯи адабиёти бачагона пас аз истифода барои ғанӣ гардонидаи фонди китоби китобхонаи ин муассисаи таълимӣ нигоҳ дошта мешавад.