МАЪЛУМОТИ СОЗМОНИ ҶАҲОНИИ ТАНДУРУСТӢ
Душанбе, 24 май. (АМИТ «Ховар», Фарангис Раҳимова). — Дар Тоҷикистон даври дуюми маъракаи додани дору ба бачагон барои пешгирии бемории фалаҷи ҳароммағз ба охир расид. Дафтари матбуоти Созмони ҷаҳонии тандурустӣ хабар медиҳад, ки то 19 май дар Тоҷикистон 432 шахси гирифтори ин беморӣ ба қайд гирифта шуд. Аз рӯи маълумоти вазорати тандурустии Тоҷикистон то 22 май 437 нафар ба ин беморӣ гирифтор шудааст. Аз 129 нафар бемори гирифтори фалаҷи ҳароммағзи аз Ҳиндустон ба Тоҷикистон овардашуда, 27 нафар кӯдакони то 1 сола, 80 нафар бачагони аз 1 то 5 сола, 15 нафар бачагони аз 6 то 14 — сола ва 7 нафар шаҳрвандони аз 15 — сола боло мебошанд. Гурӯҳи намояндагони Созмони ҷаҳонии тандурустӣ ва Муассисаи наҷоти атфоли СММ дараҷаи паҳн гардидани бемориро ҳамаҷониба омӯхта ба мақомоти дахлдори Тоҷикистон кӯмаки техникӣ мерасонанд. Созмони ҷаҳонии тандурустӣ инчунин бо мамлакатҳои ҳамсояи Тоҷикистон ҳамаҷониба ҳамкорӣ мекунад. Дар ин мамлакатҳо низ ба бачагон барои табобати беморӣ дору дода хоҳад шуд. Созмони ҷаҳонии тандурустӣ хабар медиҳад, ки 18 май дар шаҳри Иркутски Русия як нафар кӯдаки бемор ба қайд гирифта шуд, ки аз Тоҷикистон ба ин ҷо омадааст. Вобаста ба ин мақомоти дахлдори Русия низ барои пешгирии беморӣ тадбирҳо меандешанд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
