МАРАФОНИ ТЕЛЕВИЗИОНӢ БА ШАРАФИ ИДИ ҒАЛАБА

Душанбе,  8 май. (АМИТ «Ховар», Наталя  Михайлова). —  Бо  ташаббуси  ширкати байнидавлатии  радиою  телевизиони  «МИР» ва  кӯмаку  дастгирии  Бунёди  байнидавлатии  ҳамкории  гуманитарии  давлатҳои  иттиҳод,   9 май   дар  байни  пойтахти  Русия – шаҳри  Маскав,  шаҳрҳои  дигари  Русия  ва  мамлакатҳои  ИДМ  марафони телевизионӣ  ташкил  карда  мешавад. Марафони телевизионӣ  аз  соати  10 – и  пагоҳӣ  оғоз  меёбад. Онро  тақрибан  250  миллион  нафар  тамошо  хоҳад  кард. Барномаи  марафони телевизионӣ  аз  намоиши  расми  гузашти  низомӣ  дар  Майдони  сурх  оғоз  меёбад.  Дар  ҷараёни он  лаҳзаҳо  аз  филми  мустанади  «Таърихи  парадҳои  Ғалаба» намоиш  дода  мешавад.  Мухбирони  ширкати байнидавлатии радиою  телевизиони  «МИР»  аз  ҷараёни  таҷлили  иди  Ғалаба дар Минск, Брест, Киев, Севастопол,  Кишинёв,  Ереван,  Боку, Тифлис,  Остона, Бишкек ва  Душанбе  гузориш  хоҳанд  дод.  Дар  ҷараёни  марафони телевизионӣ  тамошобинонро   сарони   давлатҳои Озарбойҷон,  Арманистон, Белорусия,  Тоҷикистон,  Қазоқистон, Қирғизистон,  Русия ва  Украина  ба  муносибати  ид  табрик  менамоянд. Марафони телевизионӣ  бо  озмуни  мусиқии  «Достони  аскари  ғолиб»  анҷом  меёбад. Дар озмун   овозхонони  ҷавони  аз  ҳамаи  мамлакатҳои  ИДМ  интихобшуда  ширкат  меварзанд.