МАЪРАКАИ ЭМГУЗАРОНӢ ДАР НОҲИЯИ ФАЙЗОБОД

Файзобод, 17 май.(АМИТ»Ховар»,Зебо Давлатова) –Дар сатҳи ҷумҳурӣ тайи солҳои охир бемории фалаҷ дар байни сокинони кишвар мушоҳида карда мешавад. Бо мақсади пешгири намудани ин бемори  тамоми усулҳоро аз ҷониби масъулини соҳаи тандурӯстӣ ба кор бурда истодаанд. Ба хабарнигори АМИТ»Ховар» ,директори маркази эмтаъминкунии беморхонаи марказии ноҳияи Файзобод Рустам Аҳмадов гуфт,ки то имрӯз аз ҷониби кормандони мо дар ноҳия дар марҳилаи аввал,ки аз 1-уми  май то 8-уми май гузаронида шуд,ба 13114 нафар кӯдакони то синни  6-сола эм гузаронида шуд.Инчунин ба 901 нафар меҳмонони гирду атрофии ноҳияҳои ҳамсоя низ эм гузаронида шуд. Рустам Аҳмадов афзуд,ки дар ноҳия -1 макази саломатӣ,30 бунгоҳи тиббӣ, -8 маркази саломатӣ мавҷуд буда ба аҳолӣ ҳамагӣ 80 нафар мутахассисони кордон дар ин самт равона карда шудаанд. Маъракаи эмгузаронӣ дар ноҳияи Файзобод дар се баст гузаронида шуда истодааст. Аллакай марҳилаи  аввали эмгузаронӣ гузаронида шуд. Аз -18-уми май то -22-уми май аз пагоҳ оғоз меёбад.Марҳилаи сеюм аз -1 июн  то -5 июн гузаронида мешавад.