МАЪЮБОНИ МУТАХАССИС ДАР ЛИТСЕЙ — ИНТЕРНАТ
Душанбе, 21 май. (АМИТ «Ховар», Лаззат Диловарзод).- Бино ба иттилои шӯъбаи робитаҳои байналмилалӣ ва ҷамъиятии Агентии давлатии ҳифзи иҷтимоӣ, шуғли аҳолӣ ва муҳоҷирати Вазорати меҳнат ва ҳифзи иҷтимоии аҳолӣ, айни замон дар Муассисаи давлатии «Литсей – интернати касбии махсуси маъюбони Вазорати меҳнат ва ҳифзи иҷтимоии аҳолии Ҷумҳурии Тоҷикистон» 279 нафар хонанда, ки 207 нафарашон бо таъминоти давлат фаро гирифта шудаанд, аз рӯи 5 ихтисос : радиомеханик, ҳисобдор, дӯзанда,оператори компютер ва пойафзолдӯз мутахассисони касбӣ тайёр мекунанд. Дар бинои таълимии литсейи мазкур 12 гурӯҳ дар 11 синфхонаҳои назариявӣ ва 7 устохона ба таълим фаро гирифта шудаанд. Дар ин муассисаи таълимӣ шаҳрвандонимаъюби гурӯҳи «2 — 3», ки тибқи тавсияи комиссияи тиббӣ иҷозати кор кардан ва гирифтани таълими истеҳсолӣ доранд, ҳамчунин бепарасторон, тарбиягирандагони хонаи кӯдакон, мактаб – интернатҳо, фарзандони нафақахӯрони шахсӣ ва маъюбони гурӯҳи «1 -2», инчунин фарзандони оилаҳое, ки барои тарбия шароити нокифоя доранд, барои таҳсил имтиёз доранд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
