МЕҲМОНОН БА ДУШАНБЕ МЕОЯНД

Душанбе,  17 май. (АМИТ «Ховар», Наталя  Михайлова). —  Субҳи  17  май  вуруди  ҳайатҳои  иҷлосияи  37 – уми  Шӯрои   вазирони  корҳои  хориҷии  давлатҳои   аъзои Созмони  конфронси  исломӣ  ба  пойтахти  Тоҷикистон  шурӯъ  шуд.  Иҷлосияи  Шӯрои  вазирони   корҳои  хориҷии  давлатҳои  аъзои  созмон  аз  18  то  20  май  баргузор  мегардад. То  ин   лаҳза  ҳайатҳои  Албания, Камерун,  Алҷазоир, Покистон, Миср, Малайзия,  Уганда, Кот – де – Ивуар, Кувайт,  Аморатҳои  Муттаҳидаи  Араб,  Нигерия,  Ҷумҳурии  Африқои  Марказӣ,  намояндагони Бонки  Рушди  Исломӣ ва  Ҷомеаи  мамлакатҳои  араб  ба  Душанбе  омаданд. Ҳайатҳои баъзе  мамлакатҳо  рӯзҳои  15 ва  16  май   ташриф  оварданд. Президенти  Ҷумҳурии  Тоҷикистон  Эмомалӣ  Раҳмон  имрӯз  бо  роҳбарони  баъзе  ҳайатҳо  мулоқот хоҳад  кард. Вуруди  иштирокчиёни  иҷлосияи  37 – уми  Шӯрои  вазирони   корҳои  хориҷии  мамлакатҳои  аъзои  Созмони  конфронси  исломӣ  ба  Душанбе  давом дорад.