МУЛОҚОТИ Э. РАҲМОН БО АҲМАД АБДУЛЛОҲ ОЛИ МАҲМУД
18 майи соли 2010 дар вохўрии Президенти мамлакат Эмомалӣ Раҳмон бо Вазири корҳои хориҷии Давлати Қатар Аҳмад Абдуллоҳ оли Маҳмуд масоили рушди бемайлони муносибатҳои мутақобилан судманди ду кишвар баррасӣ шуд. «Мо ба густариш ва таҳкими муносибатҳои дўстона ва ҳамкории судбахш бо Давлати Қатар, ки яке аз шарикони асосии тиҷоратию иқтисодии Тоҷикистон дар олами араб аст, аҳамияти хос медиҳем», — изҳор дошт зимни сўҳбат Сарвари давлат Эмомалӣ Раҳмон. Аз омодагӣ ба ифтитоҳи хатти мустақими ҳавоии байни ду кишвар ва бо сармоягузории ҷониби қатарӣ дар шаҳри Душанбе бунёд ёфтани як масҷиди бузург, мактаби замонавӣ, шаҳраки муосири иборат аз меҳмонхона ва биноҳои истиқоматӣ ва таъсиси корхонаҳои муштараки коркарди асал, меваю сабзавот ва гўшту шир барои содирот изҳори қаноатмандӣ карда шуд. Иштироки сармояи қатарӣ дар истихроҷ ва коркарди канданиҳои фоиданоки Тоҷикистон аз самтҳои ояндадори ҳамкорӣ номида шуд. Баҳри такони бештар бахшидани ҳамкории дуҷониба баргузор кардани ҷаласаи аввалини Комиссияи муштараки байниҳукуматӣ оид ба ҳамкории иқтисодӣ, тиҷоратӣ ва техникӣ дар Тоҷикистон ва таъсис додани сафоратҳои мустақили ду давлат дар шаҳрҳои Душанбе ва Давҳа зарур шумурда шуд. Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
