МУЛОҚОТИ Э. РАҲМОН БО МАНУЧЕҲРИ МУТТАКӢ
18 майи соли 2010 зимни сўҳбат бо Вазири корҳои хориҷии Ҷумҳурии Исломии Эрон Манучеҳри Муттакӣ масоили шарикии гуногунсоҳаи стратегии ду кишвар баррасӣ шуд. Бо қаноатмандӣ аз рушди муносибатҳои ду кишвар Сарвари давлати Тоҷикистон Эмомалӣ Раҳмон изҳори боварӣ намуд, ки тавофуқоти муҳими ҳамкорӣ дар соҳаҳои энергетика, инфрасохтори нақлиётӣ, ҳамлу нақли транзитӣ ва саноат сари вақт ва босамар татбиқ мегарданд. Барои сохтмони бомароми нерўгоҳи Сангтўда – 2 ба роҳбарияти давлати Эрон арзи сипос карда шуд. Баргузор кардани музокироти коршиносони ду ҷониб оид ба таъсиси корхонаҳои муштараки истеҳсолкунандаи пояҳои хаттҳои интиқоли барқ, чароғҳои камхарҷи барқӣ, трансформаторҳои пуриқтидор ва кабелҳои баландшиддат, бунёди корхонаи семент ва дигар корхонаҳои муштараки саноатӣ зарур шумурда шуд. Таъкид гардид, ки ба ҳамкории сеҷонибаи Тоҷикистону Эрону Афғонистон бояд такони тоза бахшида шавад. Дар мулоқот ҳамчунин оид ба масоили амнияти минтақавӣ ва ҳамкорӣ дар доираи Созмони Конфронси Исломӣ ва дигар созмонҳои минтақавию ҷаҳонӣ мубодилаи афкор сурат гирифт. Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.
Имрӯз дар Тоҷикистон сар задани селҳои пиряхӣ аз эҳтимол дур нест
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
Ташкилоти молиявию қарзии Хатлон ба иқтисодиёт беш аз 2 миллиард сомонӣ қарзҳои бонкӣ ҷудо намудаанд
Ба Тоҷикистон ба маблағи зиёда аз 443 миллион доллар маҳсулоти нафтӣ ворид карда шудааст
