МУЛОҚОТИ Э. РАҲМОН БО НИЗОР МАДАНӢ
18 майи соли 2010 дар мулоқот бо Вазири давлатии корҳои хориҷии Мамлакати Арабистони Саудӣ доктор Низор Маданӣ масоили ҳамкории гуногунҷанбаи ду кишвар баррасӣ шуд. «Мо ба густариш ва таҳкими муносибатҳои дўстона бо Мамлакати Арабистони Саудӣ аҳамияти хоса медиҳем ва қаноатмандем, ки равобити сиёсии мо, аз ҷумла дар сатҳи олӣ, бар асоси эътимод, ҳусни ният ва созандагӣ сурат мегиранд», — изҳор дошт зимни сўҳбат Сарвари давлат Эмомалӣ Раҳмон. Низор Маданӣ изҳор дошт, ки Подшоҳи Арабистони Саудӣ Абдуллоҳ ибни Абдуазиз даъвати Сарвари давлати Тоҷикистонро пазируфта, азми сафари расмӣ ба ин кишвари биҳиштосо дорад ва дар фурсатҳои наздиктарини муносиб ин ташриф ба вуқуъ хоҳад пайваст». Баҳри таҳким ва густариши ҳамкории минбаъдаи дуҷониба ҳамчувнин баргузор намудани ҷаласаи аввалини комиссияи муштараки байниҳукуматии Тоҷикистону Арабистони Саудӣ оид ба ҳамкории иқтисодӣ, тиҷоратӣ, сармоягузорӣ, техникӣ ва фарҳангӣ ва омода намудани санадҳои мушаххаси қарордодию ҳуқуқӣ зарур шумурда шуд. Изҳори умед карда шуд, ки Анҷумани бошукўҳи исломӣ дар шаҳри Душанбе дар таъмини ҳамбастагии воқеии кишварҳои мусулмонӣ саҳифаи нав хоҳад кушод. Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
