МУЛОҚОТИ Э. РАҲМОН БО ТАЛЕБ РИФАИ
3 майи соли 2010 худи ҳамин рўз Сарвари давлат Эмомалӣ Раҳмон Дабири Кулли Созмони ҷаҳонии туризм Талеб Рифаиро ба ҳузур пазируфт. Дар мулоқот масоили ҳамкории кунунӣ бо Созмони ҷаҳонии туризм ва дурнамои рушди ин соҳа дар Тоҷикистон баррасӣ шуд. Зикр гардид, ки дар замони муосир соҳаи туризм ба яке аз бахшҳои му?ими иқтисодӣ, иҷтимоӣ ва фарҳангӣ табдил ёфтааст ва метавонад ба рушди бемайлони мамлакатҳо ва равобити судманди миёни мардумони гуногун мусоидат намояд. Таъкид карда шуд, ки айни ҳол 10 дарсади маҷмўи маҳсулоти умумиҷаҳонӣ аз ҳисоби туризм таъмин мегардад ва қариб 250 миллион нафар дар ин соҳа кор мекунанд. Талеб Рифаӣ ба имконот ва дурнамои рушди соҳаи туризм дар Тоҷикистон баҳои баланд дода, изҳор намуд, ки ба наздикӣ баҳри тавсиаи ҳамкорӣ ва ба ҷаҳониён муаррифӣ кардану мавриди баҳрабардорӣ қарор додани иқтидори туристии ин кишвари кўҳистон миёни Созмони ҷаҳонии туризм ва Тоҷикистон як созишнома бояд ба имзо расад. Ба гуфти Талеб Рифаӣ, сарватҳои асосии Тоҷикистон барои ҷалби сайёҳон осори таърихию фарҳангии пурғановату бостонӣ, табиати биҳиштосо ва мардуми меҳмоннавозу хушсалиқаи он аст. Ҳарду ҷониб ба таҳким ва густариши ҳамкории судманд ҳавасмандии зиёд зоҳир намуданд. Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
