МУСОДИРАИ САБТҲОИ ЗИДДИАХЛОҚӢ

Душанбе, 6 май. (АМИТ «Ховар», Жасмин Назарова). – Ҳангоми гузарондани чораҳои фаврӣ-ҷустуҷӯӣ аз ҷониби кормандони бахши кофтукови ҷиноии вилояти Суғд, соҳиби мағозаи хизматрасонии компютерӣ воқеъ дар кӯчаи Пахтакори шаҳраки Меҳнатободи ноҳияи Зафаробод, соҳибкор Сӯҳроб Сафарови 24 — сола, истиқоматкунандаи ноҳияи мазкур дастгир гардид. Тибқи иттилои корманди дафтари матбуоти Вазорати корҳои дохилии ҶТ, вақти кофтукови мағозаи мазкур 14 адад дискҳои DVD дорои сабтҳои хусусияти порнографӣ дошта, дарёфт карда шуд. Бояд қайд намуд, ки оид ба ин дискҳо маълумотномаи Раёсати фарҳанги мақомоти иҷроияи хокимияти давлатии вилояти Суғд аз 5 майи соли равон мавҷуд аст. Нисбати ин далел бо моддаи 241 КҶ ҶТ парвандаи ҷиноӣ оғоз шуда, тафтишот идома дорад.