НАМОЯНДАГОНИ ТОҶИКИСТОН ИНТИХОБОТИ ГУРҶИСТОНРО НАЗЗОРА МЕНАМОЯНД

Душанбе, 20 май.(АМИТ «Ховар», Марзия Саидова).-Ду намояндаи Комиссияи марказии интихобот ва райъпурсии Ҷумҳурии Тоҷикистон ба ҳайси нозир ҷараёни баргузории интихоботи мақомоти мунитсипалии Гурҷистонро, ки 30 майи соли ҷорӣ баргузор мегардад, мушоҳида менамоянд. Дар ин хусус ба АМИТ «Ховар» Роҳбари Дастгоҳи Комиссияи марказии интихобот ва райъпурсии ҷумҳурӣ Муҳибулло Додоҷонов иттилоъ дод. Мавсуф иброз дошт, ки интихоботи мақомоти мунитсипалӣ дар Гурҷистон дар давоми 5 сол як маротиба гузаронида мешавад. Тирамоҳи соли ҷорӣ дар Озарбойҷон низ  интихоботи мақомоти мунитсипалӣ гузаронида мешавад, афзуд М. Додоҷонов.