НАЗАРИ НЕКИ СИЁСАТИ АМРИКО БА ИСЛОМ

Душанбе, 31 май. (АМИТ «Ховар», Лаззат Диловарзод).- Иштироки вазирони корҳои хориҷии давлатҳои аъзои Созмони конфронси исломи дар Душанбе собит намуд, ки сиёсати Президенти ИМА нисбат ба ҷаҳони ислом тағйир ёфтааст. Амрико ҳамкориҳои худро бо тамоми давлатҳои исломӣ  тавсеа мебахшад. Ба гуфти намояндаи  Қасри Сафед Рашад Ҳусейн, айни замон дар Амрико 7 млн. мусалмонон дар соҳаҳои гуногун кору фаъолият доранд ва Конститутсияи Амрико ҳуқуқу озодихои динию мазҳабии онҳоро кафолат медиҳад.   Мусалмонони Амрико  дар  дар баргузории тамоми маросимҳои динӣ дар чаҳорчӯбаи қонун озоданд ва 2 ҳазор масҷид ба онҳо хизмат мерасонад. -Дини мубини ислом ба терроризм ва экстремизм ҳеҷ иртиботе надорад. Амрико дар оянда ҳам ба тамоми ҷаҳони ислом ҳамкориҳои судмандашро давом медиҳад,- иброз дошта буд  Рашад Ҳусейн ба хабарнигорони дохилу хориҷ дар конфронси исломӣ. Ин суханон мазмуни онро доранд, ки  сиёсати Амрико сиёсати некбинона буда, дар асри ХХ1 нисбат ба ҷаҳони ислом куллан тағйир ёфтааст.