ПОСИ ХОТИРИ АДИБИ БУЗУРГ

Ҳисор, 27 май. (АМИТ «Ховар». Ҳотам Рабиев) — Шоир, нависанда ходими бузурги давлатӣ Ҳабибулло Назаров дар солҳои 60-уми асри гузашта, баъди ба нафақа баромадан ба сокинони деҳаи азизаш – қишлоқи Тўда хизмати арзандае кард, ки имрўз кулли сокинони деҳа номи ўро бо шукргузорӣ ва миннатдорӣ ба забон мегиранд. Ў бо роҳи ҳашар аз масофаи 8 километр оби чашмаро ба воситаи қубурҳо оварда, аҳли деҳаро бо оби тозаи ошомиданӣ таъмин намуд. Ҳамчунин роҳҳои деҳа мумфарш карда шуд. Алҳол дар мактаби таҳсилоти миёнаи умумии рақами 6-ки номи ўро дорад, осорхонаи адабии ин адиби бузург таъсис ёфтааст. Осорхонаи мактаб зиёда аз 600 нигораҳои гуногуни адабию таърихӣ дорад. Ёдовар мешавем, ки Ҳабибулло Назаров солҳои тўлонӣ баробари шоирӣ ва нависандагӣ вазифаҳои муҳими давлатӣ – Раиси Суди Олӣ ва Вазири адлияи Тоҷикистонро ба ўҳда дошт.