ПУЛИ РОҲИ БАЙНИ КӮЛОБ ВА ШУРООБОД ПУРРА ХАРОБ ГАРДИД
Кӯлоб, 7 май. (АМИТ «Ховар», Жасмин Назарова, Сулаймон Холов). – Шаби 7 майи соли равон дар натиҷаи боронҳои пай дар пай пули роҳи байни Кӯлоб ва Шурообод, ки дар болои сои Тебалай ҷойгир аст ба пуррагӣ вайрон гардид. Дар натиҷа 200 хонаи истиқоматӣ ба пуррагӣ корношоям гардида ва дар шаҳри Кӯлоб дар кӯчаи Чармгарони поён 3 нафар фавтид. Айни ҳол, дар ҷои ҳодиса Раиси вилояти Хатлон Ғайбулло Авзалов, кормандони Кумитаи ҳолатҳои фавқулодда ва мудофиаи граждании минтақаи Кӯлоб, раиси шаҳри Кӯлоб Ҳамид Абдуллоев чораҳои фаврӣ андешида истодаанд. Инчунин шаби 7 май дар ноҳияи Муминобод чунин ҳодиса ба қайд гирифта шудааст. Ба гуфти сардори ситоди ҳолатҳои фавқулодда ва мудофиаи граждании ноҳияи Муминобод Ҷамахон Шарипов, дар натиҷаи боронҳои пай дар пай деҳаҳои Кулчашма, Файзобод, Ҳанатарош, Туту, Сангдара, Балхобӣ зарар дидаанд. Дар натиҷа беш аз 8 хона ба пуррагӣ корношоям гардида ва зиёда аз 20 хона зарар дидаанд. Айни ҳол раиси ноҳияи Муминобод Сафаралӣ Зокиров, муовини раиси ноҳияи мазкур Тоҳир Амиршоев дар ҷои ҳодиса чораҳои фаврӣ андешида истодаанд. Фавти одамон ба қайд нагирифта шудааст.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
