Р. ҲУСЕЙН; «ИМА ОМОДАИ ҲАМКОРӢ АСТ»

Душанбе,  20 май. (АМИТ «Ховар», Дилшодаи Ҷонмард). —   Намояндаи махсуси Президенти Иёлоти Муттаҳидаи Амрико дар Созмони Конфронси Исломӣ  Рашад Ҳусейн баъди мулоқот бо Президенти Ҷумҳурии Тоҷикистон Эмомалӣ Раҳмон ба хабарнигорон  суҳбати мухтасар анҷом дода гуфт, ки: «Ман бо Президенти Ҷумҳурии Тоҷикистон Эмомалӣ Раҳмон масъалаҳои ҳамкориҳо, бахусус тасмимгириҳо аз риояи унсуру иҷрои ӯҳдадориҳое, ки дар ҳамкории ИМА бо ҷомеаи мусулмонӣ бояд пиёда шаванд,  баррасӣ намудем. Рашад Ҳусейн афзуд, ки дар мулоқот ҳамчунин зарурият ва аҳамияти ҳамкориҳор дар дар бахшҳои  маориф, тиҷорат тандурустӣ, илм ва технология баррасӣ гардиданд.  «Дар мулоқот таъкид гардид, ки ИМА ба мавзӯи озодии эътиқод дин ва мазҳабҳо таваҷҷӯҳи хоса зоҳир менамояд. Мо ӯҳдадор ҳастем то ҷиҳати таъмини озодии риояи рукну унсурҳои исломӣ дар тамоми кишварҳо ва ё минтақаҳои мусалмоншин хоҳ, ки онҳо ақалият бошанд хоҳ аксарият онҳоро таъмин намоем», афзуд Р. Ҳусейн. Мо албатта ҷиҳати  таъсиси комиссия ё ниҳоди  махсус оид ба ҳуқуқи инсон хеле хушнуд ҳастем ва омодагию тасмимгириҳои Хукумати ИМА дар ҳамкории зичи муассир бо ин комиссион аст, гуфт Рашад Ҳусейн.