РОҲҲО БАСТА ШУДАНД
Хоруғ, 17 май. (АМИТ «Ховар», Л.Додо). — Шаби 17 май дар саросари Вилояти Мухтори Кӯҳистони Бадахшон борони сахт борид. Дар натиҷа роҳи мошингарди Хоруғ – Роштқалъа дар мавзеи Дӯствехч баста шуд. Аммо коргарони идораҳои ҳифзу муроқибати роҳҳои вилоят роҳи мазкурро дар муддати кӯтоҳ кушоданд. Мухбири АМИТ «Ховар» хабар медиҳад, ки айни ҳол ҳаракати нақлиёт дар роҳи мошингарди Хоруғ – Ишкошим қатъ гардидааст. Навбатдори ситоди ҳолатҳои фавқулоддаи вилоят Карамалӣ Шехов хабар дод, ки роҳи мошингарди Хоруғ – Андароб баста мебошад, зеро дар ин ҷо бар асари борон сели калон омада, қитъаи роҳро шуста бурдааст. Техникаи идораи ҳифзу муроқибати роҳҳои ноҳия ба ин ҷо фиристода шуд. К.Шехов зикр кард, ки агар бориши борон қатъ гардад, қитъаи роҳ шояд ҳамин рӯз кушода шавад. Дар бораи вазъияти роҳҳои навоҳии дигари вилоят то ҳол ягон хабар нарасидааст.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






