РОҲҲОИ КОРКАРДИ МАҲСУЛОТИ КИШОВАРЗӢ ДАР СУҒД

Душанбе, 25 май.(АМИТ «Ховар», Марзия Саидова).-Масъалаҳои беҳтар сохтани вазъ дар бахши коркарди сабзавот ва меваҷот дар вилояти Суғд дар машварте, ки дар шаҳри Хуҷанд -маркази маъмурии вилояти Суғд бо иштироки роҳбарони ширкатҳои коркарди меваю сабзавот, сохторҳои давлатӣ ва намояндагони созмонҳои байналмилалӣ баргузор шуд, баррасӣ гардид. Ҳадаф аз баргузории машварат ҷустӯҷуи роҳҳои беҳтар сохтани вазъ дар бахши коркарди меваю сабзавот дар минтақаи вилояти Суғд ва ҷалби инвеститсияи хориҷӣ ба ин соҳа мебошад. Дар ҷараёни машварат иштирокдорони он масъалаҳои марбут ба беҳдошти вазъи коркарди меваю сабзавот дар вилояти Суғд, ҳалли проблемаҳои ҷойдошта дар ин соҳа ва  тақвияти ҳамкориҳои мутақобилан судманди ширкатҳои коркарди меваю сабзавот бо созмонҳои байналмилалии дар ин соҳа фаъолбударо баррасӣ карданд.