САРВАРОНИ «СОФЕМА» ВА «АЛФА АЭРОПОРТ» БА ДУШАНБЕ МЕОЯНД
Душанбе, 31 мая. (АМИТ «Ховар» Мавзуна Бойева).- Дар назар аст, ки директорони генералии ширкатњои сохтмонии «Софема» ва «Алфа Аэропорт» ҷанобон Гийома Жискар Д’ Эстен ва Даниел Раве рўзи 03 июн ба Душанбе биёянд. Сарварони ширкатҳои сохтмонии фаронсавӣ ба рафти корҳои сохтмони терминали нави фурудгоҳи Душанбе аз наздик ошно гашта, дар якҷоягӣ бо роҳбарияти КВД «ФБД» масъалаҳои марбути сохтмонро ҳаллу фасл менамоянд. Дар мактубе, ки унвонии Корхонаи воҳиди давлатии «Фурудгоҳи байналмилалии Душанбе» ирсол шудааст, омадааст, ки меҳмонон иброз доштаанд љаласаи корӣ баргузор намоянд. Ба маврид аст қайд намоем, ки миёни Ҳукумати Тоҷикистон ва Фаронса қарордоде ба имзо расида, ки мувофиқи он терминали нави замонавӣ дар фурӯдгоҳи Душанбе сохта, то 20 солагии ҷашни истиқлолияти давлатии Ҷумҳурии Тоҷикистон, сентябри соли 2011 ба истифода дода шавад. Арзиши сохтмон 27 млн евро аст. ҷониби Тоҷикистон 7 ва ҷониби Фаронса 20 млн-ро ба ӯҳда гирифтаанд. То ҷашни истиқлолияти Ҷумҳурии Тоҷикистон ба истифода додани терминали нави фурудгоҳи Душанбе дар Паёми Президенти Тоҷикистон ба Маҷлисӣ Олӣ соли 2010 низ таъкид шудааст.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
