ШУМОРАИ БЕКОРОНИ РАСМӢ
Душанбе, 13 май. (АМИТ «Ховар», Лаззат Диловарзод).- Бино ба иттилои Хадамоти шуғли Вазорати меҳнат ва ҳифзи иҷтимоии аҳолии Ҷумҳурии Тоҷикистон, бо вуҷуди андешидани чорабиниҳои зиёд оид ба таъмини ҷойи кор барои ашхосе, ки дар қайди Хадамоти шуғли Вазорати меҳнат ва ҳифзи иҷтимоии аҳолӣ ҳамчун бекорони расмӣ ба қайд гирифта шудаанд, сафи бекорон зиёд боқӣ монд. Шумораи бекорони дар хадамоти мазкур ба қайд гирифташуда дар охири моҳи апрели соли ҷорӣ беш аз 34 ҳазор нафарро ташкил дод, ки нисбат ба моҳи марти соли ҷорӣ 2,4 фоиз зиёд шудааст. Аз ҷумлаи бекорони ба қайд гирифташуда 53,1 фоизашонро занон ташкил медиҳанд. Сатҳи бекорони расмӣ ба қайд гирифташуда 2,2 фоизи аҳолии дар иқтисодиёт фаъолро ташкил медиҳанд. Дар ин давра андозаи миёнаи кӯмакпулӣ барои бекорон 400 сомониро ташкил медиҳад. Хадамоти шуғли Вазорати меҳнат ва ҳифзи иҷтимоӣ аҳолии Ҷумҳурии Тоҷикистон пайваста дар баргузории ярмаркаҳои ҷойҳои холии кор ширкат варзида барои таъмини аҳолӣ ба ҷойи кори доимӣ мусоидат менамояд.
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
Дар Русия аз дақиқаҳои аввал дар алоқа бимонед!
Имрӯз дар Тоҷикистон бориши борон ва барф дар назар аст
