ТӮҲФАҲОИ ПРЕЗИДЕНТ БА ВЕТЕРАНҲОИ ҶАНГ

Душанбе,  6 май. (АМИТ «Ховар», Бекназари  Абӯбакр). — Имрӯз  дар  маҷлисгоҳи  мақомоти   иҷроияи  ҳокимияти давлатии  шаҳри  Хуҷанд  бо  иштирокчиёни  Ҷанги  Бузурги  Ватанӣ  мулоқот  баргузор гардид.  Мудири  шӯъбаи  илм ва  маорифи  Дастгоҳи  иҷроияи  Президенти  ҷумҳурӣ  Ҳамидуллохон  Фақиров   иштирокчиёни  ҷангро  аз  номи Раиси  Ҳукумат ва  Президенти  ҷумҳурӣ  Эмомалӣ  Раҳмон ба  муносибати 65 —  солагии  Ғалаба  дар  Ҷанги  Бузурги  Ватанӣ табрик  намуда,  аз  номи Сарвари  давлат  ба  онҳо   ва  аҳли  оилаҳои аскарону  афсарони  ҳалокшуда  тӯҳфаҳо  супорид. Иштирокчиёни  ҷанг  ба  унвони Президенти  ҷумҳурӣ,  мақомоти  иҷроияи  ҳокимияти давлатии  вилояти  Суғд  ва  шаҳри  Хуҷанд  барои  ғамхории  доимиашон  изҳори  сипос  намуданд.